Японы Кюшү арлын Кумамото хотноо энэ сарын 14-нд 6.5 магнитудын хүчтэй газар хөдлөлт болж, байгалийн гамшиг тохиосон юм. Гэнэтийн байгалийн гамшгийн үеэр 48 хүн амиа алдаж, 270 хүн сураггүй болжээ. Мөн 1700 байшин нурж, тус хотод асар их хохирол учирчээ.

Тиймээс байгалийн гамшигт нэрвэгдсэн хүмүүст туслах шийдвэрийг өчигдрийн Засгийн газрын хуралдаанаас гаргалаа. Засгийн газрын нөөц хөрөнгөөс 50 мянган ам.долларыг гаргаж, Япон улсад буцалтгүй тусламж болгон илгээхийг Сангийн сайд Б.Болорт даалгасан байна.

В.Бат