АН-ын бүлгийн ээлжит хуралдаан өнөөдөр хуралдах товтой. Гэвч хоёрантоо хойшилж, маргааш өглөө 10.00 цагт хуралдахаар болжээ.   Энэ талаар тус бүлгийн дэд дарга С.Одонтуяагаас тодрууллаа.

-Бүлгийн хуралдаан хойшилсон шалтгаан юу бол?

-Гишүүдийн ирц бүрдээгүйгээс хойшлоод байна.

-АН-ыг МҮАН, Эх орон нам дэмжиж оролцохоо мэдэгдсэн. Дэмжиж оролцож байгаа намуудад өгөх сонгуулийн тойргийн квотын асуудал намын гишүүдийг  зөрчилдүүлсэн яриа байна. Дэмжиж оролцох намууддаа квот хэрхэн олгох бол?

-Манай намын бүлэг дээр энэ асуудлыг яриагүй.

-Хувь гишүүний тухайд ямар байр суурьтай байна вэ?

-Сонгуульд хамтарч орж байгаа тохиолдолд квотоо тохироод орно. Харин өнөөдрийн тухайд хэдэн суудал өгөх асуудлаар бүлэг дээр яригдаагүй байгаа. Бүлэг дээр яриад, эцсийн байдлаар шийдээд явсан тохиолдолд бид мэдээллээ хийнэ.

-Сонгуульд нэр дэвшүүлэхэд  эмэгтэйчүүдийн квотыг хасах болсон тухай бас яригдаад байна. Энэ үнэн үү?

-Тийм зүйл байхгүй. Эмэгтэйчүүдийн квот хуулиндаа тусгасан байгаа.

-Сонгуулийн цагийн хуваарьт өөрчлөлт орох уу? ҮХЦ-ийн дүгнэлтийг  өнөөдөр эцэслэн шийдээгүй байна.

-Энэ талаар манай бүлэг яригдаагүй. Бүлгийн дэд даргын хувьд манай бүлэг дээр албан ёсоор яригдаад шийдвэр гарсан асуудал мэдээлэх үүрэгтэй. Одоо дээрх асуудал бүлгээр яригдаагүй учраас ямар ч зүйл ярих боломжгүй.

Н.Энх