АНУ-ын Ерөнхийлөгчийн сонгуульд нэр дэвшихээр намын сунгаанд өрсөлдөж буй Төрийн нарийн бичгийн дарга Хилари Клинтон Индиана мужид зохион байгуулагдсан санал хураалтад ялагдал хүлээсэн талаар “CNN” агентлаг мэдээллээ. Ардчилсан намаас Индиана мужид  Бэрни Сандерс 52.49 хувийн санал авснаар ялалт байгуулжээ. Харин Хилари 47.51 хувийн санал авчээ. Санал хураалтын дараа Хилари “Ялагдал хүлээсэн ч би зорилгоосоо буцахгүй” хэмээн мэдэгджээ.

Эрх баригчдаас гадна сөрөг хүчин Бүгд найрамдахчууд Индиана мужид санал хураалт зохион байгуулсан юм. Тэрбумтан Дональд Трамп энэ мужид ялалт байгуулсан бөгөөд намын гол өрсөлдөгч Тед Круз нэрээ татсанаар тэрбээр намаа тэргүүлэн ирэх арваннэгдүгээр сард болох Ерөнхийлөгчийн сонгуульд нэр дэвших нь тодорхой болоод байна.

Б.Дэлгэрцэцэг