Өнөөдөр Торонто Рэпторс Майами Хит хоёр багийн цувралын хоёр дахь тоглолт боллоо. Цувралын эхний тоглолтод хожигдсон Торонто өнөөдөр заавал ялалт байгуулах хэрэгтэй байсан бөгөөд тэд талбай дээрээ  96-92 хэрэгтэй хожилоо байгуулж чадалаа.

Тоглолтын эхний хагас /48-41/ Торонточуудын давуугаар дууссан. Тоглолтын шийдвэрлэх дөрөвдүгээр үед тооны харьцаа тэнцэж /86:86/, нэмэлт цаг сунгасан. Нэмэлт цагт Торонточуудаас ДЕ-Розан, Валанчюнас, Кэрролл нарын довтолгоо амжилттай болгосноор багаа ялалтанд хүргэсэн.

ДЕ-Розан 20 оноо ,8 самбар,  Кэрролл 21 оноо ,5 самбар авч багаа тэргүүлсэн.

Харин Маймичуудаас багийн лидер Дуэйн Уэйд өнөөдөр 17 оноо авч Плей-оффын бүх цаг үеийн оноо авалтаар алдарт Скотти Пиппэнг гүйцэж 15-р байранд (3643оноо) орж ирсэн.