АНУ-ын Ерөнхийлөгч Барак Обама НҮБ-ын Ерөнхий Ассамблейн энэ оны чуулганы үеэр дүрвэгчдийн асуудлаар дээд хэмжээний уулзалт зохион байгуулахаар болсон талаар Цагаан ордны хэвлэлийн албанаас мэдээллээ. 

Обама уг уулзалтыг ахалж, удирдагчдыг дүрвэгсдийн асуудалд анхаарлаа хандуулахыг уриалах гэнэ. 

Энэхүү уулзалт Нью Йорк хотноо ирэх есдүгээр сарын 20-ны өдөр зохион байгуулагдана.  Уулзалтад Европын 19 орон, Ази болон Африкийн 11 орны төрийн тэргүүн оролцох гэнэ. Мөн Сири, Афганистан, Йорданы удирдлагууд оролцохоор болжээ. 

Ерөнхийлөгч  Обама "Дүрвэгсдийн асуудал хяналтаас хэдийнэ гарлаа. Бид нэгдэж, олон сая дүрвэгсдийн асуудлыг хэлэлцэх хэрэгтэй. Бид дүрвэгсдэд туслах хэрэгтэй" гэж мэдэгдсэн байна. 

Б.Дэлгэрцэцэг