Монголын хошин урлагийн Комеди театрын захирал Б.Даваажав, Е.Хишиг-Эрдэнийн нар Архангай аймгийн Хангай суманд тоглолт хийж явах үедээ байгалийн гамшигт үзэгдэл цасан шуурганы үеэр өөрсдийн амь биеийг үл хайхран автомашин нь эвдэрч, хээр саатсан 12 иргэний амь насыг авран хамгаалсан байна. Тэдний 3 жирэмсэн хүн, 2 хүүхэд явж байжээ.

Эр зориг гарган олон иргэдийн амь насыг аварсан тэднийг “Онцгой байдлын албаны төлөө-3” тэмдгээр шагнасныг ОБЕГ-ын Захиргааны удирдлагын газрын дарга, хурандаа Л.Болдбаатар өнөөдөр гардууллаа.