2000 оны Дэлхийн мисс Приянка Чопра “In Style” сэтгүүлд ярилцлага өгчээ. Тэрбээр бөгөөд Америкийн “ABS” телевизийн бүтээл “Quantico” гэх киноны гол дүрийг бүтээж байна.

 

 

-Та Энэтхэгийн кино урлагаас холливуудад танигдаад буй цөөхөн уран бүтээлчдийн нэг?

 

-Энэтхэгчүүд надад асар их хариуцлага хүлээлгэж байгаа. Би ч гэсэн олон улсад танигдах алтан боломжоо алдахыг хүсэхгүй байа. Тиймээс их л хичээж явна.

 

-Та Дэлхийн мисс тэмцээний ялагч болсноор олон улсад танигдсан бус уу?

 

-Тиймээ, Титмийн эзэн болох гайхалтай байсан. Харин дараагийн титмийн эзэн тодрохоор өмнөх ялагчийн талаар тийм ч их дурсахаа больдог мэт санагддаг. Гэхдээ энэ миний л бодол.

 

-Титмээ шилжүүлэн өгсөний дараа та урлагт хүч үзэхээр болсон. Энэ талаар?

 

-Би урлагт их хайртай. Тиймээс л энэ салбарыг сонгосон. Сонголт минь ч нүдээ олсон гэхэд болно.

 

-Энэтхэгийн олон уран бүтээлд тоглож, дүрээ бүтээсэн. Таныг үргэлж 2-3 кинонд зэрэг тоглодог гэж сонссон. Ачаалал ихтэй байх хэцүү бус уу?

 

-Гэхдээ энэ өрсөлдөөнтэй нийгэмд ажилтай байна гэдэг гайхалтай хэрэг. Би кинонд тоглохыг ачаалал хэмээн хүлээн авдаггүй. Найруулагчид надад хамтран ажиллах санал тавих бүрт би талархан хүлээн авдаг.

 

-Тоглосон уран бүтээл бүхэн чинь Энэтхэгт амжилт олдог. Яагаад холливуудад хүч үзэхээр зориг шулуудсан вэ?

 

-Хүн бүхэн олон улсад хүлээн зөвшөөрөгдсөн уран бүтээлч болохыг хүсдэг. Би ч гэсэн холливуудын уран бүтээлч болохыг хүсдэг. Үзэгчид намайг дэлхийн мисс бус жүжигчин гэдгээр минь хүлээн аваасай гэж хүссэн учир зориг шулуудсан.

 

 

-“Quantico” кинонд та хурц ухаантай бас дайчин бүсгүй дүрийг бүтээсэн?

 

-АНУ-ын Тагнуулын ерөнхий газар баргийн хүнийг ажилтнаараа авахгүй. “Quantico”  киноны гол үйл явдал энэ тухай өгүүлж байгаа. Кино минь амжилт олж буй талархаж байна.

 

-Бодит амьдрал дээр та хүчирхэг вэ?

 

-Тийм ч хүчирхэг биш. Аль болох чимээгүй байхыг илүүд үздэг.

 

-Та өөрийгөө үзэсгэлэнтэй гэж боддог уу?

 

-Би өөрийнхөө гадаад төрхөнд сэтгэл хангалуун байдаг.

 

-Болзоонд явж байна уу?

 

-Үгүй ээ. Сүүлийн 2-3 жил болзоонд яваагүй.

 

 

-Яагаад вэ?

 

-Сайн мэдэхгүй. Хэтэрхий ажилтай  болохоор.

 

-Зүгээр шалтаг мэт сонсогдож байна?

 

-Мэдэхгүй юм. Эрчүүдтэй холбоо үүсгэхээс заримдаа айдаг.

 

-Та 33 настай. Гэр бүлийн тухай боддог биз?

 

-Тиймээ охинтой болохыг хүсдэг. Хөөрхөн охинтой болоод ижилхэн хувцаслаад явахыг хүсдэг.

 

-Энэ мөрөөдөл хэзээ биелэх бол?

 

-Сайн мэдэхгүй байна. Гэхдээ би ганцаараа хөгшрөхгүй гэдгээ сайн мэднэ.

 

Б.Дэлгэрцэцэг