Өчигдөр 19:55-20:30 цаг хүртэл Улаанбаатар хотод орсон түр зуурын хүчтэй аадар борооны улмаас хотын зүүн хэсэг буюу Баянзүрх дүүрэг бүхэлдээ үерт автжээ. Мөн Сүхбаатар, Чингэлтэй, Баянгол дүүргийн хойд хэсэг их хэмжээний усанд автаж, ялангуяа Баянзүрх дүүргийн III хороо Чингис зочид буудлын зүүн талын автозам 300м, Бөхийн өргөөний урд талын хороолол дундах автозам 250м, Нарны гүүрний зүүн талын автозам 150м, “Буян” ХХК-ийy зүүн талын автозамуудад ус ихээр нэмэгдсэний улмаас иргэдийн автомашин усанд суух, хөвөх, орц болон газар доорхи давхарууд усанд автсан байна.
Баянзүрх дүүрэгт:
Баянзүрх дүүргийн 1, 2, 5, 6, 7, 8, 9, 13, 14, 18, 19, 22, 27 дугаар хороо, Монелын гудамж, Дунд дарь эхийн гудамж, Алтан өлгий, Шар хадны гудамж, Дүүргийн гудамж, Сэлбийн гудамж, Эрдэнэ толгойн гудамж, Цэргийн хотхон, Голден вилл хотхон, Зүүн хүрээ хотхон, 57 дугаар байр, 93/А байр, 38/А байр, тус дүүргийн Татварын хэлтэс, Цэцэрлэгжилт ХХК, Консулын гудамжинд их хэмжээний ус орж ирээд байна гэсэн мэдээллийг хүлээн авч Баянзүрх дүүргийн Онцгой байдлын хэлтсээс 30 хүний бүрэлдэхүүнтэй, 4 автомашинтай бүлэг үерийн усыг соруулан, зөвөлгөө өгч ажиллажээ.
Баянгол дүүрэг:
Баянгол дүүргийн 22 дугаар хороо усанд автсан гэсэн мэдээллийн дагуу Баянгол дүүргийн Онцгой байдлын хэлтсээс 5 хүний бүрэлдэхүүнтэй, 1 автомашинтай бүлэг үерийн усыг соруулан, зөвөлгөө өгсөн байна.
Сүхбаатар дүүрэг:
Сүхбаатар дүүргийн 1, 8, 9, 10, 12, 13, 14 дүгээр хороо, Хандгайтын гудамж, Хангайн гудамж, Зүүн сэлбийн гудамж, Чингэлтэй гудамж, Рашаантын гудамж, 44 дүгээр байр, 27 дугаар байр, 32/Б байранд их хэмжээний ус орж ирээд байна гэсэн мэдээллийг хүлээн авч Сүхбаатар дүүргийн Онцгой байдлын хэлтсээс 11 хүний бүрэлдэхүүнтэй, 2 автомашинтай бүлэг үерийн усыг соруулжээ.