Бразилийн Рио-Де-Жанейро хотноо Зуны XXXI их наадам үргэлжилж байна. Энэхүү олимп эхлэхээс өмнө наадмын нээлтэд өмсөх Монгол тамирчдын шар өнгийн хувцас ихээхэн шүүмжлэл дагуулаад байв. Гэвч олон улсын мэдээллийн сайтууд хамгийн шилдэг хувцастай орноор Монгол улсыг нэрлэн, онцолжээ

Зуны олимпийн наадамд 205 орон оролцож байгаа бөгөөд улс орнуудын тамирчны  нээлтэд өмссөн хувцасны загварыг http://ftw.usatoday.com сайт онцлон нийтэлжээ. Ингэхдээ Монголын баг тамирчдын хувцасыг  нэгдүгээрт эрэмбэлсэн байна. 

Мөн www.Foxsports.com сайтад манай тамирчдын хувцсыг гуравдугаарт жагсаан “Монголчууд шаргал өнгөөрөө анхаарал шууд татлаа. Нүдээ анисан ч Зүүн Азийн улсыг харахгүй байж чадахгүй. Шар өнгө нь найдварыг илтгэнэ. Түүхэндээ хоёрхон алтан медальтай Монгол улс энэ удаа ямар нэг шуугиан тарьж магадгүй. Сайн сайхныг хувцсандаа шингээвэл медалиуд дагаад ирдэг дээ. Хоосон мөрөөдөл үү? Бас магадгүй...” хэмээн бичжээ.

Г.Тэгшсүрэн