Бразилийн Рио Де Жанейро хотноо болж буй XXXI удаагийн зуны олимп амжилттай үргэлжиж байна.

Тэгвэл усанд сэлэлтийн төрөлд эх орноо төлөөлөн  оролцсон БНХАУ-ын тамирчин Чен Хиан гэгч сэргээш хэрэглэсэн нь тогтоогдсон талаар Дэлхийн сэргээшийн эсрэг байгууллагын цахим хуудаст нийтэлжээ.

Тамирчин 100 метрийн эрвээхэй сэлэлтийн төрөлд 4-р байр эзэлсэн юм.

Тэмцээний дараа тамирчнаас шинжилгээ авахад тэрбээр сэргээш хэрэглэсэн нь тогтоогдсон талаар “Синьхуа” мэдээлжээ.  Спортын Арбитрийн шүүх энэ асуудлыг шийдвэрлэж байгаа бөгөөд Хятадын усанд сэлэлтийн холбооноос шүүхээс гарсан эцсийн шийдвэрийг хүлээн зөвшөөрөхөө мэдэгдсэн байна. Чен нь Азийн усанд сэлэлтийн аварга юм.

Б.Дэлгэрцэцэг