Осама Бин Ладены хүү Хамза Бин Ладен олон улсад тархан байршсан жихади нарыг Саудын Арабын улсын эсрэг нэгдэхийг уриалсан богино хэмжээний бичлэг хийж интернэтэд байршуулсан талаар “www.dailymail.co.uk” мэдээллээ.

Хамза “Саудын Араб улс бол эрүүгийн гэмт хэрэгтэн, хулгайч. Тэд АНУ-ын гар хөл. Тэдний захиалгаар гэмгүй иргэдийг хохироодог. Тиймээс бид хүчээ нэгтэж, Саудын Арабын эсрэг нэгдэцгээе” гэж хэлжээ.

Түүнийг 23 эсвэл 24 настай хэмээн тагнуулын байгууллагынхан мэдээлдэг. Тэрбээр өнгөрсөн хоёрдугаар сард “Аль Кайди” бүлэглэлийг тэргүүлэхээ мэдэгдэж, эцсийн хүчээ шавхах хүртлээ АНУ-ын эсрэг тэмцэхээ мэдэгдсэн юм.

Б.Дэлгэрцэцэг