Рио-2016” олимпийн чөлөөт бөхийн эрэгтэйчүүдийн 65 кг-ийн жинд  ДАШТ-ий хошой хүрэл медальт, гавьяат тамирчин Г.Мандахнаран зодоглосон. Тэрбээр дагах барилдаан хийж, хүрэл медалийн төлөө ДАШТ-ий мөнгө, Азийн наадмын хүрэл, Азийн АШТ-ий мөнгө, хүрэл медальт, Узбекстаны Наврузовтай барилдсан. Узбекстаны бөхийн ялалт болон хоёр бөхийн барилдааны шүүлт олон нийтийн анхаарлыг татаад байгаа юм.

Чөлөөт бөхийн тэмцээнийг спортын сэтгүүлч, тайлбарлагч Сосорбарамын Шижирбат тайлбарлан шууд дамжуулсан. Асуудал дагуулсан барилдааны дараа тэрбээр “Манай тамирчин яагаад ялагдсаныг би мэднэ, гэхдээ дараа хэлэх болно” гэж шууд дамжуулалтын үеэр хэлж байсан юм.

Энэ тухай С.Шижирбат өөрийн цахим хуудаснаа ийн бичжээ.

“Дүрэм зөрчигдсөн”

-Мандуулдаг Мандахаа маань эхний бөгөөд эцсийн Олимп гээд явсандаа. Энэ бол түүний 18 жилийн хөдөлмөр. Сүүлийн дөрвөн жил, гурван ДАШТ, Олимпод медалийн төлөө шалгарч шигшигдэж үлдлээ Мандахаа. Зарим хүмүүс сэтгэл зүй муу байна гэх юм. Харин ч сэтгэл зүй мундаг тулдаа Олимпийн төгсгөлд сүүлийн найдвар гэсэн хүнд үед дээшээ гарч ирсэн юм шүү. Чөлөөт бөхийн барилдааны хугацаа 6 минут байдаг. ЦАГ ДУУССАН ҮЕД ТОРГОЖ ОНОО ӨГДӨГГҮЙ ДҮРЭМТЭЙ гэдгийг тайлбарын үеэр хэлсэн. 5 минут 56 секундээс Мандах илэрхий зугтааж хамгаалсан. Цаг дуустал дөрөвхөн секунд гэсэн үг. 5 минут 58 секундэнд дэвжээний шүүгч оноо торгууль заасан ч Ахлах шүүгч, дэвжээ хажуугийн шүүгч хоёр дэвжээний шүүгчийн заалтыг дэмжилгүй цаг дуусгасан. Гайхалтай нь шүүгчид дүрмээ зөрчөөд цаг дууссан байхад оноо өгөөд Мандахыг ялагдуулсан болголоо. ОХУ, АНУ, Иран, Азербайжан, Японы тамирчид Мандахын оронд байсан бол энэ байтугай бүр 10-аад секундын өмнөөс баяраа тэмдэглэж эхлэхэд эсрэг бөхөд нь оноо өгч ялж явхад нь ялагдуулж байсныг 10 жил чөлөөт тайлбарлахдаа би мэдэхгүй ээ. Эдгээр орны тамирчдыг сүүлийн хэдэн секундэнд зугатаад цаг дуусаагүй байхад баяраа тэмдэглэж байсныг зөндөө л харж тайлбарлаж явлаа.

 Чөлөөт бөх чөлөөтэй барилддаг, чөлөөтэй довтолдог, чөлөөтэй хамгаалдаг төрөл. Хэдхэн секундэнд тэсчихгүй гэхийн. Барьцгүй бөхийн төрөл учраас нэвт норсон биед сүүлийн хэдэн секундэнд зугтааж хамгаалдаг. Мандах дүрмээ дэндүү сайн мэдэж байгаа шүүдээ. Багш нар ч дүрмээ нэвтэрхий мэдэх учраас урьд шөнө аргаа бараад хувцсаа тайлсан. Дэлхийн нөлөөтэй мэдээллийн агентлагууд манай бөхийн ялалтыг луйвардасныг мэдээлсээр.

Зарим хүн Жүдотой харьцуулах. Жүдогийн хамгаалалтын барилдаан, Чөлөөтийн хамгаалалтын барилдаан хоёр тэс өөр. Чөлөөт бөх чөлөөтэй барилддаг, чөлөөтэй довтолдог, чөлөөтэй хамгаалдаг төрөл. Хэдхэн секундэнд тэсчихгүй гэхийн. Барьцгүй бөхийн төрөл учраас нэвт норсон биед сүүлийн хэдэн секундэнд зугтааж хамгаалдаг. Мандах дүрмээ дэндүү сайн мэдэж байгаа шүүдээ. Багш нар ч дүрмээ нэвтэрхий мэдэх учраас урьд шөнө аргаа бараад хувцсаа тайлсан. Дэлхийн нөлөөтэй мэдээллийн агентлагууд манай бөхийн ялалтыг луйвардасныг мэдээлсээр. Энэ оны 5 сард болсон Оросын АШТ-нд Сэрээтэр, Төмөрбаатар нар очиж санаатай самарснаас үүдэн чөлөөтөд дэндүү нөлөөтэй Оросууд биднээс хариугаа авч байна гэж бөхийн хүрээнийхэн ярьсаар л. Тэр явдал дэндүү хамааралтай л даа. Узбек, Оросууд хоорондоо нягт. Үүгээрээ Багш, тамирчдын олон жилийн нөр их хөдөлмөр болоод Эрэгтэй шигшээ багт тусалдаг хүмүүсийн, мөн Ард түмний их хүсэл хүлээлтийг хөндлөнгийн хэдэн Ооркууд алчлаа.