Италийн хоёр иргэн Ливид барьцаалагдсан талаар “www.foxnews.com” мэдээллээ. Энэхүү мэдээллийг Италийн Гадаад хэргийн яам баталжээ.

Яамны удирдлагууд Ливийн Засгийн газрын төлөөлөгчидтэй утсаар холбогдож, тусламж хүсчээ.

Албаныхан “Энэ сарын 19-20 шилжих шөнө иргэд сураггүй алга болсон. Тэднийг хэн хулгайлсан уг хэргийн ард ямар бүлэглэл байгаа нь тодорхойгүй” гэж мэдэгджээ.

Гэрчүүд “Италийн хоёр иргэнийг хүчээр машинд суулгаад Гат хот руу авч явсан” гэсэн байна.

Сураггүй болоод буй иргэд нисэх онгоцны буудлын засварын ажилчид гэнэ.

Б.Дэлгэрцэцэг