Өнгөрсөн өдөр Замын цагдаагийн газрын ЖШУХ нийт 358 дуудлага хүлээн авч ажиллажээ. Үүнээс зам тээврийн ослын 287 дуудлага бүртгэгдэж 12 хүн хүнд хөнгөн гэмтсэн байна.

СБД-ийн нутаг Чингэлтэйн өргөн чөлөө 5-н буудлын автобусны буудлын замд Сайхан ирээдүй ХХК-ны Daewoo BS-106 маркийн автобусны жолооч Б нь зорчигч 35 настай эмэгтэй Т-г унагааж гэмтээсэн байна.

Мөн СХД-ийн нутаг Толгойтын зам, Их нарангийн дунд буудлын замд T.Prius маркийн авто машины жолооч А нь явган зорчигч 09 настай эрэгтэй Х-г мөргөж гэмтээжээ.

Хэнтий аймгийн Чингис хотын Чингис хаалганы урд асфальтан замд Istana маркийн авто машины жолооч А нь Istana маркийн авто машиныг мөргөж автомашиныхаа хажууд зогсож байсан жолооч 41 настай эрэгтэй Ч-г мөргөж амь насыг нь хохироосон байна.

Г.Тэгшсүрэн