Баянзүрх дүүргийн Сонгуулийн хорооны дарга О.Бат-Өлзий, тус дүүрэгт АН-аас нэр дэвшиж, ялалт байгуулсан зургаан хүний жагсаалтыг хасах тогтоол гаргасан тухайгаа олон нийтэд мэдээлсэн.

Энэхүү шийдвэрийг эсэргүүцэн АН-ын гишүүд тус дүүргийн Засаг даргын тамгын газрын үүдэнд жагсаал зохион байгуулж байна.

Жагсаал зохион байгуулж буй иргэд тээврийн хэрэгслийн хөдөлгөөнд саад учруулж, түгжрэл үүсгэн, иргэдийг бухимдуулж байгаа талаар замын цагдаагийн газраас мэдээллээ. Иймд тус иргэд жагсаал цуглаан хийх журмын тухай хуулийг баримтлан үзэл бодлоо илэрхийлэх шаардлагатай байгааг Замын цагдаагийн албанаас зөвлөж байна.