БНХАУ-ын баруун хэсгийн Чунцин мужид байрлах “Jinshangou” гэх нүүрсний уурхайд хүчтэй дэлбэрэлт болсон талаар “www.channelnewsasia.com” мэдээллээ. Дэлбэрэлтийн улмаас тус уурхайн 33 уурхайчин амиа алдсан гэнэ.  

Аврагчид шуухай ажиллаж нурангид даруулаад байсан хоёр уурхайчинг аварч, эмнэлэгийн тусламж үзүүлжээ. Цагдаагийнхан ямар шалтгааны улмаас дэлбэрэлт болсныг тодруулахаар ажиллаж буй юм.

Тус улсад уурхайн ослоор олон хүн амиа алддаг билээ. Эрх баригчид уг асуудалд анхаарлаа хандуулан, уурхайд ажилдаг ажилчдын аюулгүй байдалд анхаарлаа хандуулахыг шаарддаг ч осол болон эндэгдэл буурахгүй байна.

Энэ оны найман сарын байдлаар уурхайн ослоор 277 хүн амиа алджээ.

Б.Дэлгэрцэцэг