Иракийн хэт даврагч “Халифын вант улс” бүлэглэлийн толгойлогч Бакар аль Багдади мэдэгдэл хийсэн талаар “www.dailymail.co.uk” мэдээллээ.

Түүнийг өнгөрсөн долоодугаар сард Сирийн Рамади хотноо амиа алдсан хэмээн Пентагон мэдээлж байсан юм.

Гэхдээ дээрх мэдээллийг террористууд батлаагүй билээ. Тэгвэл Багдади видео мэдэгдлээрээ олон улсыг заналхийлжээ. Тус бүлэглэл энэ сарын эхээр Иракийн Мосул хотыг армийнханд алдсан юм.

Багдади “Бид удахгүй Мосул хотыг буцаан эзлэх болно. Бид тун удахгүй хүчирхэг болно. Аллах бидний талд бий. Исламын дайчид энэ дэлхийг эзэлнэ” гэж хэлжээ.

Пентагон уг мэдэгдлийг хийж буй дуу хоолой үнэхээр Багдадигийнх эсэхийг шалгаж буйгаа “CNN” агентлагт мэдэгдсэн байна.

Б.Дэлгэрцэцэг