БНХАУ-ын Шиамень хотноо сагсан бөмбөгийн Дэлхийн Оюутны аварга шалгаруулах 3х3 тэмцээн үргэлжилж байна. Тус тэмцээнд манай улсын баг тамирчид оролцож буй юм.

Өнгөрсөн өдөр манай сагсчид  Австралийг 19:12 харьцаатай хожиж, шилдэг дөрөвт шалгарч, мөнгөн медалийн төлөө тоглох эрхтэй болсон.

Өнөөдөр манай баг Ливан (Lebanon)-ний багтай мөнгөн медалийн төлөө өрсөлдөж 19:17 харьцаагаар   хожлоо.

Ийнхүү манай баг тамирчид алтан медалийн төлөө тоглох эрхтэй боллоо.

Монголын багийн бүрэлдэхүүнд Э. Дөлгөөн (Мон-Алтиус БТДС), А. Гансүх (Мон-Алтиус БТДС), Б. Батзолбоо (Мон-Алтиус БТДС), Г. Чинбат (Мон-Алтиус БТДС), Багийн ахлагч: М. Өсөхбаяр (Мон-Алтиус БТДС захирал), Багийн ерөнхий дасгалжуулагч: С. Тулга нар багтаж байна.

Г.Тэгшсүрэн