Энэ сарын 16-нд буюу өнгөрсөн баасан гарагт Баянзүрх дүүргийн 8-р хорооны нутаг дэвсгэрт байрлах Турк, Монголын хамтарсан “Эмпати” бүрэн дунд сургуулийн хоёр сурагч муудалцан нэгнээ хүнд гэмтээсэн хэрэг гарчээ.

Тодруулбал хэрэг гарсан өдөр  “Хүүхдийн хүзүүнээс цус гараад тогтохгүй байна” гэсэн дуудлага цагдаагийн байгууллагад иржээ. Дуудлагын дагуу БЗД-ийн цагдаагийн гуравдугаар хэлстийн алба хаагчид очиж, хэргийн газарт үзлэг хийсэн байна.  Шалгалтын явцад уг сургуулийн сурагч 17 настай А, 16 настай Б нар хоорондоо маргалдаж нэгнийхээ биед хүнд гэмтэл учруулсан байжээ. Одоогоор Эрүүгийн хэрэг үүсгэн шалгалтын ажиллагааг явуулж байгаа юм байна. Шалгалтын ажиллагаа явуулж байгаа, бага насны хүүхэдтэй холбоотой асуудал учраас цагдаагийн байгууллагаас дэлгэрэнгүй мэдээлэл өгөх боломжгүй гэлээ.

Хүнд гэмтсэн сурагчийн хоолойг шилээр зүссэн гэх албан бус мэдээ байна. Хэргийг Баянзүрх дүүргийн гуравдугаар хэлтэст шалгаж байна.

Г.Тэгшсүрэн