Өдөрт 40-50 согтуу жолооч саатуулагдаж байна

Гудамж замд хийсэн хяналт шалгалтаар өчигдөр /2017.05.24/ согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 51 жолоочийг Замын цагдаагийн алба хаагчид саатуулжээ.
Өнгөрсөн амралтын өдрөөр согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 115 жолоочийг илрүүлэн саатуулсан.
Согтуугаар тээврийн хэрэгсэл жолоодох тохиолдол буурахгүй байгааг цагдаагийн байгууллагаас анхааруулж байна.
2016 оны хоёрдугаар сарын 1-нээс жолоочийн хариуцлагын оноо тооцох журам хэрэгжиж эхэлсэн. Иргэн архи, согтууруулах ундаа хэрэглэсэн үедээ жолоо барьсан тохиолдолд 10 оноо автоматаар 0 болохоор журам батлагдсан. Мөн Замын хөдөлгөөний аюулгүй байдлын тухай хуульд зааснаар согтуу жолоочийн тээврийн хэрэгсэл жолоодох эрхийг 6 сараас 2 жил хүртэлх хугацаагаар хасна.
Г.Тэгшсүрэн
СЭТГЭГДЭЛ БИЧИХ