Зодсон, зодуулсан хоёул цагдаад хандахаар болжээ
Нийслэлд 246 зам талбайн үйлчлэгч хот тохижилтын ажил гүйцэтгэж байна. Тэдний хөдөлмөрийг олон нийт үнэлдэггүй, хогоо ил задгай хаядгаас гадна, хот тохижилтийн ажилчдыг автомашинаараа шахах, гэмтээх тохиолдол цөөнгүй гардаг тухай хэлдэг. Өчигдөр /2017.06.06/ СХД-ийн ТҮК-ийн ажилтныг нэгэн эмэгтэй зодож буй бичлэг цахим хуудсаар тархлаа.
Эмэгтэйд зодуулсан гэх 56 настай П.Эрдэнэбат нь СХД-ийн ТҮК-ийн зам талбайн үйлчлэгч аж. Тэрбээр автобусны зогсоолд автомашинаа зогсоосон эмэгтэйд шаардлага тавьж, зөрж өнгөрөхдөө машиных нь толийг хөдөлгөснөөс маргаан үүссэн болохыг хэлсэн байна. Түүнийг иргэн Б чулуугаар толгойг нь хагалах, цэвэрлэгээний шүүрийг булаан авч цохихыг завдсан тухай хэлжээ.
Харин ТҮК-ийн ажилтныг зодсон гэх эмэгтэй Б дайрч давшилж шүүрээрээ цохихыг завдсан тул биеэ хамгаалсан. Иймд нэр төрөө сэргээлгэхээр цагдаад хандана гэжээ.
Хот тохижилтийн газраас ч мөн энэхүү асуудлаар цагдаагийн байгууллагад хандах аж.
Г.Тэгшсүрэн
СЭТГЭГДЭЛ БИЧИХ