Баянзүрх дүүргийн 13 дугаар хороонд байрлах “Амгалан” амаржих газраас нярай хүүхэд хулгайлахыг завдсан хэрэг /2017.05.29/ гарсан.

Нийслэлийн Амгалан амаржих газарт төрсөн эх Б нь  эмнэлгээс гарах үедээ хамт үйлчлүүлж байсан эхийн нярайг хулгайлан авч гарахыг завдсан хэрэг гарсан билээ.

Энэхүү гэмт оролдлогыг тус эмнэлгийн төрсний дараах тасгийн асрагч Б.Нангид, Эргэлтийн хэсгийн эх баригч П.Байгалмаа, Хүлээн авах яаралтай тусламжийн тасгийн эх баригч Г.Учрал, Эргэлтийн хэсгийн үйлчлэгч Ж.Отгонжаргал, Нярайн сувилагч М.Өлзийдэлгэр нар илрүүлэн таслан зогсоожээ.

Тэднийг ажлын хариуцлагаа ухамсарлан, сонор сэрэмжтэй ажилласаныг нь үнэлэн цалингийн тодорхой хувиар шагнаж урамшуулсан байна.

Г.Тэгшсүрэн