Чөлөөт бөхийн насанд хүрэгчдийн ДАШТ наймдугаар сарын 21-26-нд Францын нийслэл Парист болно. Эрэгтэйчүүдийн 50, эмэгтэйчүүдийн 29 дэх удаагийн тэмцээнд оролцох Монгол Улсын баг тамирчдын нэр тодорлоо.

Монголын чөлөөт бөхийн холбоо ДАШТ-д оролцох баг тамирчдаа сонгох үүднээс бямба гаригт Спортын төв ордны “А” зааланд, ням гаригт “АСА” циркийн гадна талбайд сонгон шалгаруулах тэмцээнийг зохион байгуулав.

Эрэгтэйчүүд:

• 57 кг-д гавьяат тамирчин гавьяат тамирчин Э.Бэхбаяр (Хангарьд),

• 61 кг-д ОУХМ Т.Түвшинтулга (Аваргууд академи),

• 65 кг-д ОУХМ Н.Лхамгармаа,

• 70 кг-д гавьяат тамирчин Г.Мандахнаран (Алдар),

• 74 кг-д ОУХМ Д.Гомбодорж (Сүлд),

• 86 кг-д ОУХМ О.Үйтүмэн (Алдар),

• 97 кг-д ОУХМ Ө.Батзул,

• 125 кг-д ОУХМ Н.Золбоо (Хүч),

Эмэгтэйчүүд:

• 48 кг-д ОУХМ Э.Нарангэрэл (Хангарьд),

• 53 кг-д гавьяат тамирчин Д.Отгонцэцэг (Хасу-Мегастарс),

• 55 кг-д ОУХМ Э.Даваачимэг (Хилчин),

• 58 кг-д ОУХМ А.Батцэцэг (Хасу-Мегастарс),

• 60 кг-д ОУХМ Б.Шоовдор (Хилчин),

• 63 кг-д ОУХМ П.Орхон (Алдар),

• 69 кг-д гавьяат тамирчин О.Насанбурмаа (Хангарьд),

• 75 кг-д спортын мастер Г.Уртнасан (Хилчин) нар халз барилдааны ялагч болж, ирэх намар Францын нийслэлийг зорих эрхээ өвөртөллөө.

Г.Тэгшсүрэн