Гал сөнөөгчдийг цуйвангаар дайлжээ

Хан-Уул дүүргийн нутаг дэвсгэрт үйл ажиллагаа явуулдаг "Говь" ХК-ийн объектод 2017.06.14/ 20 цаг 45 минутад гал гарсан.
Галыг унтраахаар Нийслэлийн Онцгой байдлын газрын бүх Гал түймэр унтраах, аврах анги болох 13 ангийн ээлжийн 140 орчим албан хаагч, гал унтраах шуурхай албаны 30 гаруй автомашиныг дайчлан ажиллаж галыг унтраасан юм.
Гал түймрийг унтраахаар ажилласан алба хаагчдад “АПУ” ХК хордлого тайлах сүү,“Жүр-Үр” ХХК-аас цай, ундны зүйлийг хүргүүлсэн байна. Мөн "Сайхан бүсгүй" гэх фэйсбүүк группийн гишүүд цуйван хийж аваачиж өгчээ.
Гал түймрийг бүрэн унтраахаар онцгой байдлын алба хаагчид тасралтгүй 18.00 цаг ажиллаж, өчигдөр /2017.06.15/ 15.45 минутад бүрэн унтрааж дууссан юм.
Г.Тэгшсүрэн
СЭТГЭГДЭЛ БИЧИХ