Өнөөдөр нийслэл хотод их хэмжээний устай бороо орж, цаг агаарын хүндрэлтэй нөхцөл үүссэнтэй холбоотой цахилгаан эрчим хүчний зарим шугам хамгаалалт /аваарын бус/-аар тасарч зарим хэрэглэгчдийн хэрэглээ түр тасалджээ.

Одоогийн байдлаар дараах газруудад цахилгаан эрчим хүчний тасралт гарсан бөгөөд Улаанбаатар цахилгаан түгээх сүлжээ ТӨХК-ийн шуурхай үйлчилгээний 14 бригад гэмтэл саатлыг засварлан ажиллаж байгаа аж.

• Сонгинохайрхан дүүргийн Драгон автовокзалын арын орон сууцны зарим байр,

• Хан-Уул дүүргийн Нүхтийн амны зарим хэсгээр,

• Баянгол дүүргийн 4-р хорооллын зарим хэсгээр,

• Баянзүрх дүүргийн Дүнжингарав хороолол, Жанжины гудамжууд, Ботаник, Амгалангаас Улиастайн гүүр хүртэлх, Ургах наран хорооллоос Хонхор хүртэлх зам дагуу зарим хэсгээр, Гачуурт, Шар хоолойн ам, Хуандайн ам.

Г.Тэгшсүрэн