Сагсан бөмбөгийн Евролигийн тэмцээний гол оролцогчдын тоонд багтах болсон Германы Брос Бамберг баг энэ зун эхний гэрээгээ хийлээ. Тэд Сербийн Црвена Звезда багаас довтлогч Лука Митровичийг авсан байна.

Сүүлийн 3 улирал дараалан Улаан Оддыг ахлан тоглосон 24 настай залуугийн хувьд статистик үзүүлэлт хангалттай их биш ч тоглолт бүрт нөлөөлж чаддагаараа онцгой. Одоогоос 5 жилийн өмнө Белград хотын багт нэгдэж байсан тэрбээр багтайгаа хамт Сербийн лигт 3 жил дараалан түрүүлж байсан бол Адриатик лигт мөн 3 жил, Сербийн цомын тэмцээнд 4 жил дараалан түрүүлсэн юм. 

Г.Баяраа