Японы мэргэжлийн сумо бөхийн долоодугаар сарын башё үргэлжилж байна.

34 дэх удаагийн башёд эхний арван өдөр нэг ч уналгүй 10 даваа аваад байгаа Хакухо М.Даваажаргал тэмцээний 12 өдрийн барилдаанд буюу өчигдөр /2017.07.20/ Тамаваши Б.Мөнх-Оргилыг давж, озеки Кайотой амжилтаар тэнцэж замналынхаа турш 1047 даваа авсан сумо бөхийн түүхэн дэх хоёр дахь бөх боллоо.

Хакүхо аварга 1047 дахь даваагаа авсаны дараа "Озекигийн амжилттай зэрэгцэн ирсэндээ баяртай байна. Юу мэдэрч байгаагаа үгээр илэрхийлж боломгүй мэт. Өнгөрсөн хагас жилийн турш би бэртэл гэмтэл болон бас бус зүйлийг даван туулсан минь энэ мундаг рекордыг амжилттай гүйцэхэд тус болсон гэж бодож байна. Маргааш энэ рекордыг шинэчлэн тогтоохыг хүсч байна" гэжээ.

Тэрбээр өнөөдрийн барилдаанд арслан Такаясүтэй барилдах бөгөөд түүнийг ялбал энэхүү рекордыг шинэчлэн тогтоох бөгөөд 1048 буюу карьертаа хамгийн олон давсан бөх болох юм.

Хакухо аварга сумогийн дэвжээнд хүрч болох бүхий л рэкордуудыг эвдсэн гэж хэлж болно. Түүний амжилтаас дурьдвал: