Мэргэжлийн боксчин өөрийг нь аварсан хүнийг хайж байгаа гэнэ. Түүний хайж байгаа хүн нь боксчин эрийг Жэрсигийн эрэг дагуу газарт живж байхад нь аварсан ажээ. Энэ жил 28 настай боксчин эр зодог тайлаад удаагүй байгаа. Тиймээс чөлөөт цагаа өнгөрүүлэхийн тулд сюрфингээр гулгахаар Баасан гаригт далайн эрэг орсон гэнэ.

Дастин Флэйшер нь 15 минутын турш усанд сэлсний дараа далайн давалгаанд цохиулснаар байдал бишдсэн аж.

“Би сэлж байсан. Гэтэл давалгаа маш ширүүн болчихсон. Тэгээд бага зэрэг цочирдчихсон. Энэ үед тусламж хэрэгтэйг мэдэж байлаа. Маш их ядарчихсан, амьсгаа өндөрсчихсөн байгааг мэдэрч байсан л даа. Тэгээд нэг мэдэхэд хаана байгаагаа ч мэдэхээ больж эхэлсэн. Нэг ёсондоо ухаан балартах дөхсөн. Тэр үед би түүнийг олж сонссон” гэж боксчин эр мэдэгдэж байна.

Түүний хэлснээр түүнийг тэр эр далайн эрэг дээр гаргасан гэнэ. Харамсалтай нь түүний нэрийг асуулгүй явуулчихсан учраас одоо түүнийг хайж байгаа ажээ. Тэрбээр хувийн зүгээс талархлаа илэрхийлэхийг маш их хүсэж байгаа юм байна.

Мөн тэрбээр “усанд живсэн явдал нь миний амьдралын хамгийн том тулаан байлаа” хэмээжээ.

Б.Энх-Амгалан