Зургаа дахь удаагаа цөмийн туршилт хийхээс гадна алсын тусгалтай пуужинг хоёр ч удаа Японыг чиглэн харвасан Хойд Солонгосын эсрэг хатуу хориг тавихаар НҮБ-ын Аюулгүйн зөвлөл санал нэгтэйгээр тохиролцсон юм.

Уг хоригт Хойд Солонгосын гол холбоотон болох ОХУ, БНХАУ нэгдсэн нь тус улсад ихээхэн хүндээр тусч буй билээ.

Тэгвэл НҮБ-ын баталсан шинэ хоригийн дагуу БНХАУ-ын эрх баригчид эх оронд нь үйл ажиллагаагаа явуулж буй Хойд Солонгосын томоохон компаниудыг хаахаар болсон талаар “Синьхуа” агентлаг мэдээлэв.

Эхний ээлжийн компаниуд ирэх оны эхээр хаалгаа барьж улмаар ажилчид нь нутаг буцах гэнэ. БНХАУ-ын Сангийн сайд Бид Хойд Солонгосын компаниудад үйл ажиллагаагаа зогсооход нь зориулан 120 хоногийн хугацаа олгож байгаа” гэж мэдэгджээ. Энэхүү шийдвэрээс өмнө БНХАУ-ын компаниуд Хойд Солонгосын иргэдэд үйлчлэхээ больсон юм.

Б.Дэлгэрцэцэг