ОХУ-ын “Mi-8” цэргийн нисдэг өнгөрсөн пүрэв гаригт сураггүй болсон билээ. Нисдэг тэрэг Арктикийн орчим дахь Свалбард арлын Баренцбург орчимд нисч байхдаа орон нутгийн цагаар 15.35 цагийн орчимд төв станцаасаа холбоо тасарчээ.
Уг онгоцонд нисэх багийн таван гишүүн болон гурван эрдэмтэн нисч явсан гэнэ. “Бүгд ОХУ-ын иргэн” хэмээн тус улсын Гадаад хэргийн яамнаас мэдээлэв.
Тэгвэл Норвегийн албаныхан нисдэг тэргийг осолдсон байдалтай олсон талаар уламжиллаа. Аврах ажиллагаанд Норвегийн тал оролцож буй нь уг Свалбард арлыг Норвегийн тал эзэмшдэг юм. Одоогоор аврагчид иргэдийг эрэн хайж байна.
Норвеги дэх ОХУ-ын Консулын газар “Бүх хүмүүсийг амиа алдсан хэмээн таамаглаж байна. Аврагчид ослын газар ажиллаж байна. Тун удахгүй албан ёсны мэдээлэл хийнэ” хэмээн мэдэгдлээ.
Б.Дэлгэрцэцэг
Уншиж байна |