Филиппинийн Ерөнхийлөгч Родриго Дутертегийн хүү Пауло Дутертег өнгөрсөн есдүгээр сард Хятадаас их хэмжээний хар тамхи хил давуулахыг завдсан хэмээн тус улсын прокурорын газраас мэдээлсэн билээ.

Уг мэдээллийг Пауло “Ор үндэслэлгүй” хэмээн мэдэгдсэн бол Ерөнхийлөгч хар тамхины хэрэгт хүү нь холбоотой болохыг тогтоовол “шууд цаазаар авна” хэмээн мэдээлсэн юм.

Тэгвэл Пауло өөрийн хүсэлтээр Давао хотын Захирагчийн албан тушаалаас огцорч буйгаа мэдэгдсэн талаар “www.dailymail.co.uk” сайт мэдээллээ.

Тэрбээр “Амьдралд минь тохиолдсон алдаатай үйл явдлаас болж ийнхүү албан тушаалаа огцорлоо. Гэхдээ миний нэр хүндийг гутаах зорилгоор нийтэд түгээсэн мэдээлэл хуурамч болохыг мэдэгдье” гэж хэлжээ.

Б.Дэлгэрцэцэг