Туркийн Хар тэнгисийн эрэгт орших Трабзон хотын нисэх онгоцны буудлын ойролцоо 162 зорчигч, 6 гишүүнтэй онгоц осолдсон талаар “Ройтерс” агентлаг мэдээллээ.

“Boeing 737-800” онгоц  газардах үед жолоодлогод нь асуудал гарсан байна. Онгоцны жолоодлого гэнэт алдагдаж, улмаар замаасаа гарч, далайн эргийн хадан хясаатай хавцал хуу гулсан орсон аж.

Аврах албаныхан хэргийн газарт цаг алдалгүй очсон учир ганц ч хүн бэртээгүй гэнэ.

Хэрвээ уг онгоц хадан хясаанд хүрч, далай руу орсон бол шууд дэлбэрэх аюултай байсан талаар албаныхан мэдээллээ.

Б.Дэлгэрцэцэг