Японы Исикава мужийн цагдаагийнхан өчигдөр эрэг орчмоос нэгэн завийг олсон байна. Цагдаагийнхан уг завийг хаанаас ирсэн эсэхийг тогтоохоор чанга яригчаар сануулга өгчээ.

Харин уг завинаас ямар ч дохио ирэхгүй байсан учир эргийн хамгаалалтынхан болон цагдаагийнхан уг завинд нэвтэрчээ.

Завины нэгэн жижиг хэсгээс долоон хүний цогцос олжээ. Завинд ямар ч амьд хүн байгаагүй хэмээн цагдаагийнхан мэдэгдэв.

16 метр урттай уг завийг Хойд Солонгосоос ирсэн амиа алдагсдыг тус улсын иргэн хэмээн таамаглаж байна.

Амиа алдагсад 30-50 насныхан бөгөөд бүгдээрээ хүнс тэжээлийн дутагдалд орж, турж, эцсэн байжээ.

Мөн цагдаагийнхан завинаас Хойд Солонгосын удирдагч Ким Чен Уны хөрөгтэй тамхины хайрцаг олсон байна.

Б.Дэлгэрцэцэг