Олон улсын Олимпийн хороо /ОУОХ/-ны удирдлагууд өчигдөр Швейцарийн Лозань хотноо хоёр Солонгосын төлөөлөгчдийг хүлээн авч уулзсан талаар “Ройтерс” агентлаг мэдээллээ.

Энэхүү уулзалтын үеэр ирэх сард эхлэх Пёнчаны өвлийн олимпт хоёр улсын тамирчид хэрхэн оролцох эсэх асуудлаар хэлэлцжээ.

Уулзалт тун амжилттай болсон бөгөөд Пёнчаны өвлийн олимпиор хоёр улсын эмэгтэйчүүдийн хоккейн баг “Солонгос” гэсэн нэрийг дор оролцохоор болсон байна. Солонгос багийн төрийн дуулал нь “Ариранг” дуу байх гэнэ.

Хоккейн багийн 23 гишүүнийг 35 болгон нэмэгдүүлж, үүнээс 23 нь Өмнөд, 12 нь Хойд Солонгосын тамирчид байхаар тохирсон байна.

Мөн Хойд Солонгос 22 тамирчнаа өвлийн олимпийн таван төрөлд оролцуулахаар албаныхантай тохиролцжээ.

Б.Дэлгэрцэцэг