Иракийн шүүх хэт даврагч “Халифатын вант улс” бүлэглэлтэй холбоотой болохыг тогтоосоны дараа Герман улсын иргэнийг цаазаар авах ялаар шийтгэсэн талаар “Ройтерс” агентлаг мэдээллээ.

Эмэгтэйг тус бүлэглэлийнхэнд санхүүгийн тусламж үзүүлсэн, Иракийн аюулгүй байдлын хүчний эсрэг дайралтад оролцсон хэмээн буруутгаж, ялын дээд хэмжээг оноожээ.

Морокко гаралтай гэгдэх эмэгтэйг өнгөрсөн жил Мосулын тулааны үеэр армийнхан баривчилсан байна.

Гадаадын олон мянган хүн Исламын улсад элсч, Сири болон Иракт дайтаж буй билээ.  Тэрбээр Исламын улсын жихадитай гэрлэсэн, хоёр охинтой гэнэ.

Иракийн шүүх гадаадын иргэнийг анх удаагаа цаазын ялаар шийтгэж буй талаараа мэдэгдлээ. Цаазаар авах ялаар шийтгүүлсэн иргэнийхээ талаар Германы эрх баригчид өнөөг хүртэл албан ёсны мэдэгдэл хийгээгүй байна.

Б.Дэлгэрцэцэг