Хойд Солонгосын удирдагч Ким Чен Ун төрсөн дүү болон албаны хүмүүсийг Өмнөд Солонгосын Пёнчан хот руу илгээсэн билээ. Удирдагчийн дүү Ким Ё Ченаар тэргүүлсэн Хойд Солонгосын төлөөлөгчид энэ сарын 9-12 өдрүүдэд Пёнчан болон Сөүл хотноо айлчилсан юм.

Уг айлчлалын үеэр АНУ-ын Дэд ерөнхийлөгч Майк Пенс удирдагчийн дүү болон албаны төлөөлөгч нартай уулзах санал гаргасан аж.  “Солонгосын хойгийн нөхцөл байдлыг намжаах үйл явцад Хойд Солонгос улс ямар ч идэвхгүй байна” хэмээн Ерөнхийлөгч Майк Пэнсийн ажлын албаны дарга Ник Айерс мэдэгдлээ.

Тэрбээр “Дэд ерөнхийлөгч “Пёнчан”-ы олимпийн үеэр Хойд Солонгосын төлөөлөгчидтэй уулзахыг хүссэн ч татгалзсан хариу авсан. Бид дахин уг саналыг дахин хүргүүлсэн ч татгалзсан хариу авлаа. АНУ болон Хойд Солонгос хэлэлцээрийн ард суухгүйгээр хэзээ ч Солонгосын хойг дахь дайсагнасан харилцаа дуусгавар болохгүй” гэж уламжлав.

Дээрх мэдэгдлийн дараахан Өмнөд Солонгосын Ерөнхийлөгч Мүүн Жэ Ин “Хойд Солонгос гарцаагүй бодлоо өөрчлөх болно” гэж мэдэгдэв.

Б.Дэлгэрцэцэг