Холливуудын нэрт продюссер Харви Вайнштайнтай холбоотой бэлгийн дуулианы талаар нийтийн хүртээл болгосон “The New York Times” болон “New Yorker” сэтгүүл Пулитцерийн шагнал хүртсэн талаар “Ройтерс” агентлаг мэдээллээ.

Тус сэтгүүлүүд холливуудын хөшигний цаадах бэлгийн хүчирхийлэл болон дарамтын талаар анхлан дуугарч, олон ч нөлөө бүхий эрхмийн булхайг илчилсэн юм.

Харви Вайнштайн холливуудын олон бүсгүйчүүдэд бэлгийн дарамт үзүүлэн, хүчирхийлсэн болохыг тогтоогоод байна. Ойролцоогоор 20 гаруй бүсгүй түүний эсрэг зарга үүсгээд байна.

Уг үйл явалтай холбогдуулан олон улсад “ME TOO” кампанит ажил өрнөж буй билээ.

Пулитцерийн шагналыг Америкийн реппэр Кэндрик Ламар “DAMN” цомгоороо хүртсэн нь онцлох үйл явдал болов. Тэрбээр энэхүү шагналыг хүртсэн анхны реппер болж байна.

Б.Дэлгэрцэцэг