Хэрэглэгчийн худалдаж авсан бараа болон үйлчлүүлсэн үйлчилгээний үнийн ерөнхий өөрчлөлтийг харуулдаг харьцангуй үзүүлэлт нь хэрэглээний үнийн индекс юм.  Энгийнээр хэлбэл, инфляцийн төвшинг хэрэглээний үнийн индексээр тооцож гаргадаг юм. Тэгвэл Хэрэглээний үнийн улсын индекс арванхоёрдугаар сард өмнөх сарынхаас 2.0 хувь, өмнөх оны мөн үеийнхээс 10.2 хувиар өсчээ.  Инфляцийн жилийн дундаж түвшин 9.2 хувь байгаа юм байна. Ерөнхий индекс өмнөх сарынхаас өсөхөд хүнсний бараа, ундаа, усны бүлгийн дүн 3.8 хувиар өссөн нь голлон нөлөөлжээ.