Засгийн газрын ээлжит хуралдаан болж байна. БСШУС-ын сайд Ё.Баатарбилэг сургалтын төлбөрийн зээл чөлөөлөлт зэрэг багц асуудлыг хурлаар хэлэлцүүлэн батлуулсан байна. Энэ талаар БСШУС-ын сайд Ё.Баатарбилэг мэдээлэл хийлээ. Тэрбээр:

-Боловсролын зээлийн сангаас дотоод, гадаад их, дээд сургуульд суралцагчдад зээл олгодог. Энэ арга хэмжээг авч хэрэгжүүлэхийг салбарын  сайдад үүрэг өгсний дагуу асуудлуудыг орууллаа. 2004-2016 оны хооронд дотоодын их, дээд сургууль суралцаж төгссөн, Боловсролын зээлийн сангаас зээл авч суралцсан, зээлийнхээ гэрээний үүргээ биелүүлсэн иргэдийг төрөөс чөлөөлөх шийдвэртэй холбоотой асуудал яригдлаа. Засгийн газраас Дээд боловсролын тухай хуульд заасны дагуу УИХ-д энэ асуудлын журмыг өргөн барихаар тогтлоо.

Ингэснээр дээд боловсролын салбарт боловсролын зээлийн салбарт хадгалагдаж байгаа 13 мянга гаруй диплом нь байдаг. Барьцаанаас чөлөөлөгдөж чаддаггүй хүмүүсийн асуудал шийдвэрлэгдэнэ. Гэрээний үүргээ биелүүлсэн, ажилладаг, НД төлж байгаа хүмүүсийн асуудал шийдэгдэнэ хэмээлээ.

Мөн шинжлэх ухааны тоог цөөлөх үүднээс чиг үүргийн бус салбаруудыг нэгтгэж, байгууллагуудын бүтцийг алдагдуулсан шийдвэр 2015 онд гарсан. Энэ шийдвэрийг засч залруулж, менежментийг боловсронгуй болгохоор шийдвэрлэжээ.

БСШУС-ын сайд Ё.Баатарбилэг мэдээлэл хийснийхээ дараа сэтгүүлчдийн асуултад хариуллаа. 

-Нийт хичнээн хэмжээний сургалтын төлбөрыг төрөөс чөлөөлж байна вэ?

-13 мянган иргэний сургалтын төлбөрийн зээлд нийт төсөвт өртөг нь 16 тэрбум төгрөг байгаа. Тухайн үеийн сургалтын төлбөрөөс хамаараад 500 мянгаас нэг сая төгрөгийн сургалтын төлбөрийн зээлтэй. Боловсролын зээлийг голч оноогоор дүгнэдэг. Улс эх орондоо ажиллаад 5 жил болсон бол сургалтын төлбөрийн зээлээс чөлөөлдөг байсан. 2008 оноос хойш энэ чөлөөлөлт яваагүй. УИХ-аар хэлэлцүүлж байж чөлөөлнө. Хэрвээ энэ зээлийг чөлөөлвөл дипломаа авах юм. 

-Зээл чөлөөлөхөд ямар шаардлага тавьж байна вэ?

-Гэрээний үүргээ биелүүлсэн хүмүүсийг чөлөөлнө. Хэрвээ гэрээний үүргээ биелүүлээгүй, гадаад явсан бол чөлөөлөхгүй. 

Н.Энх