Ховд чиглэлд зорчиж явсан 35 зорчигчтой автобус шатжээ. Азаар хүний амь нас эрсдээгүй байна.

Тодруулбал Ховд аймгийн Булган сумын Алаг толгой багийн “Гүн зуух” гэдэг газар /сумын төвөөс баруун хойд зүгт 26 км-т/ “Ярант” олон улсын боомтоос тус аймгийн Булган сумын чиглэлд “Байшинт Ямаан-Ус” ХХК-ийн эзэмшлийн иргэн Б-ын жолоодож явсан “Даевоо” загварын том оврын автобус /35 зорчигчтой/ шатжээ.

Галын дуудлага 2019.10.14-ний өдрийн 19:30 цагт Онцгой байдлын албанд ирсэн байна. Дуудлагын дагуу Тус аймгийн Онцгой байдлын газрын Булган сум дахь Онцгой байдлын хэлтсийн Гал түймэр унтраах, аврах 38 дугаар ангийн 7 алба хаагч, 2 автомашинтай 26 км замыг туулан 19:56 цагт очиж, 34 минут ажиллаж унтраажээ.

Зорчигчдийг “Байшинт Ямаан-Ус” ХХК-ийн эзэмшлийн “Даевоо” загварын том оврын автобусаар Булган суманд хүргэсэн байна.

Г.Сүрэн