АНУ-ын Ерөнхийлөгч Дональд Трампын хүү Жон Трамп өнгөрсөн зун Монголоор аялсан талаарх мэдээлэл гарч байсан. 

Энэ аяллынхаа үеэр тэрбээр дэлхийд нэн ховордож, устаж үгүй болох аюултай тулгарсан аргаль агнасан талаар ProPublica мэдээлжээ. 

Эх сурвалжийн мэдээлснээр Трампын том хүү Монголын Ерөнхийлөгчтэй уулзан аргаль агнах зөвшөөрөл авсан гэнэ. 

“Бага Трамп АНУ болон Монголын хамгаалагчидтай хамт аялж явсан. Аргаль бол Монголд нэн ховор амьтан бөгөөд энэ амьтныг агнахад “ихэвчлэн мөнгө, танил тал, улс төрийн хүрээллээр дамжуулан зөвшөөрөл авдаг” хэмээн Propublica мэдээлсэн байна. 

Бага Трамп аргаль агнаад буцсанаас сарын  дараа ангийн зөвшөөрөл нь гарсан бөгөөд Монгол Улсын Ерөнхийлөгч Халтмаагийн Баттулга АНУ-ын Ерөнхийлөгчийн хүүд онцгой анхаарал хандуулан боломж олгосон хэмээжээ. 

“Бага Трамп лазер тусгалтай дуран хараа бүхий винтовоор аргалийг шөнө буудсан.   Ан хийсний дараа ангаа жижиглэхгүй, харин эвэр болон арьсыг нь гэмтээхгүйн тулд тугалган цаасанд ороохыг ангийн хөтчүүддээ даалгасан” хэмээн хөтчүүдийнх нэг ярьжээ. Түүнчлэн тэрбээр мөн л зөвшөөрөл шаардагддаг буга агнасан гэнэ. 

Г.Бямбасүрэн