Эрүүл мэндийн яамнаас өнөөдөр /2020.03.05/ зохион байгуулсан хэвлэлийн хуралд цагдаагийн байгууллагаас мэдээлэл хийх үедээ Улсын Хоёрдугаар эмнэлэгт тусгаарлагдсан иргэд архи, согтууруулах ундааг хэрэглэж зөрчил гаргасан тухай дурдсан.

Энэ нь ташаа мэдээлэл бөгөөд ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан Цэргийн төв эмнэлэгт гарсан зөрчлийг андуурч хэлсэн тул залруулга хийв. 

Тэрбээр Хоёрдугаар эмнэлгийн эмч ажилчид болон хорио цээрийн дэглэмд орсон, дэглэмээ сайтар биелүүлж буй ард иргэдээс хүлцэл өчлөө.