"Эдийн засаг дахь нөлөө буюу компани дампуурах, иргэд ажилгүй болох, ядуурал гүнзгийрэхээс сэргийлэх арга хэмжээ, судалгаа" сэдвээр мэдээлэл хийлээ. 

МҮХАҮТ-ын Ерөнхийлөгч О.Амартүвшин:

-МҮХАҮТ 1500 гаруй компаниас шинэ коронавирусийн ажлын байранд үзүүлэх нөлөө судалгааг авсан бөгөөд ажлын байранд нөлөөлж байна гэж үзэж буй компаниуд 30 хувьд хүрээд байна. Шинэ коронавирусийн улмаас эдийн засагт үүсээд буй хүндрэлийн улмаас 260 мянган хүн ажилгүйчүүдийн эгнээнд шилжихэд ойрхон байгаа тул Засгийн газар яаралтай арга хэмжээ авах нь зүйтэй. Мөн аж ахуйн нэгж, байгууллагууд зардлаа танаж эхэлсэн бөгөөд яаралтай зөв арга хэмжээ авахгүй бол эдийн засаг хүндрэх төлөвтэй байгааг судалгаагаар харуулжээ. 

Коронавирусийн халдварын үед эдийн засгийн тогтвортой байдлыг хангах, урьдчилсан арга хэмжээний судалгаа хийсэн. Арилжааны банкууд руу иргэд маш их хандаж байгаа. Дээрээс шийдвэр ирээгүй байна гэдэг. Санхүүгийн тогтвортой байдлын шийдвэр хэрэгжээгүй байна гэлээ. 

Эдийн засагч Б.Дөлгөөн:

-Энэ оны улсын төсвийг 2 их наядын алдагдалтай баталсан. Гэхдээ энэ хоёр их наядын алдагдлыг эхний 6 сардаа хүлээхээр байгаа нь сонгуультай холбоотой асуудал хэмээв.