Өнөөдөр Засгийн газар хуралдаж, эдийн засгийн хямралыг даван туулах асуудлыг хэлэлцэж, шийдвэр гаргасан байна. Үүнтэй холбогдуулан Монгол Улсын Ерөнхий сайд У.Хүрэлсүх ард иргэд, аж ахуйн нэгжүүдэд хандан мэдэгдэл хийж байна.

Монгол Улсын Ерөнхий сайд У.Хүрэлсүх: 

-Дэлхийн хэмжээнд коронавирусээр 23970 хүн өвчилж нас барсан байна. Манай улсын хувьд коронавирусээр 11 хүн бүртгэгдэж, эмчилгээ давгүй байгаа. Монгол улсын хэмжээнд энэ халдвараас урьдчилан сэргийлэх арга хэмжээ авч, хяналтдаа байлгаж байна. Урьчдилан сэргийлэх арга хэмжээг цаг хугацаанд нь авч хэрэгжүүлсний үр дүнд Монгол Улс амгалан, тайван байна. Одоо бол бид засаглах цаг болсон. Улс орны хэмжээнд хүндэрсэн зүйл байхгүй.

Улсын хэмжээнд халдваргүйжүүлэлтийн зардалд 17 тэрбум төгрөгийг Засгийн газраас гаргасан. Нэмэлт шаардлагатай 20 тэрбум төгрөгийг нэмж гаргасан. Дээр нь нэмээд 150 тэрбум төгрөгийг эрүүл мэндийн салбарт дахин гаргаж, шаардлагатай тоног төхөөрөмж, ажлын хувцас гаргахаар санхүүжилт шийдлээ. Ард иргэдийнхээ эрүүл мэндэд анхаарч Засгийн газраас 200 тэрбум төгрөгийг гаргаж байна.

Үүнээс гадна эдийн засгийн хүндрэлийг даван туулах асуудлаар арга хэмжээ авахаар шийдвэрлэлээ. Энэ удаад бид дараах арга хэмжээг авч хэрэгжүүлнэ. Үүнд:

-Дөрөвдүгээр сарын нэгний өдрөөс эхлэн 10 дугаар сарын нэгний өдрийг  хүртэл бүх аж ахуйн нэгжийн НДШ-ийг тэглэх шийдвэр гаргаж байна.

-Зургаан сарын хугацаанд цалингаас ОАТ авахгүй байхаар бүрэн чөлөөллөө.

-Аж ахуйн нэгжүүдээс орлогын албан татвар авахгүй.

-Үйл ажиллагаа нь доголдсон ч ажлын байраа хадгалж байгаа хувийнн хэвшлийн аж ахуйн нэгжийн ажилчдад сар бүр 200 мянган төгрөг олгохоор шийдвэрлэж байна.

-Малчдын амьдралыг тэтгэж, ноолуурыг борлуулахад зориулж үйлдвэрлэгчдэд нийтдээ 300 тэрбум төгрөгийн зээл олгохоор болсон. Хүүгийн зөрүүг Засгийн газар хариуцна. 

-Хүүхдийн мөнгийг 10 дугаар сар хүртэл 10 мянган төгрөгөөр нэмэгдүүлж олгоно. 

Засгийн газар бүх зардлыг даана. Шатахууны үнийг дөрөвдүгээр сарын 15-наас эхлэн бууруулна. 

Энэ бүх арга хэмжээнүүдийг нийлүүлээд таван их наяд төгрөгийн санхүүжилт Засгийн газраас гаргана гэдгийг илтгэе хэмээлээ.

У.Хүрэлсүх: Засгийн газар огцрохгүй 

Ерөнхий сайд У.Хүрэлсүх мэдээлэл хийснийхээ дараа сэтгүүлчдийн асуултад хариуллаа. 

-Таван их наяд төгрөгийн санхүүжилтийг хаанаас гаргах вэ? Улсын төсөвт тодотгол хийх үү?

-Улсын төсөвт тодотгол хийхгүй. Бүтээн байгуулалтын ажлаа хийнэ. Яагаад гэвэл ажлын байр хадгалах ёстой. Дотоодын компаниудаараа бүтээн байгуулалтыг гүйцэтгүүлнэ. 

-Таван их наяд төгрөгийн эх үүсвэрийг тодорхой хэлэхгүй юу? Арилжааны банкуудтай зээлийн төлөлтийг хойшлуулах шийдвэр Засгийн газар гаргасан. Гэвч арилжааны банкууд гэдийж байна.

-Монголбанк бие даасан байгууллага. Засгийн газраас ангид байдаг. Улсын Ерөнхий сайд хүсэлтээ тавьсан. Монголбанк бодлогын хүүгээ бууруулсан. Дахин энэ бодлогын хүүгээ бууруулах санал тавина. Арилжааны банкууд эх орноо гэсэн сэтгэлээр хандах ёстой. Арилжааны банкууд хүүгээ бууруулах ёстой. Олон удаа хүсэлт тавьж байгаа. Хэрвээ хүсэлт биелүүлэхгүй бол арга хэмжээ авна. Арилжааны банкуудын эрүүл мэндийн байдалд таагүй шийдвэр гаргаж магадгүй. 

-УИХ-ын ээлжит сонгуулийг хойшлуулах асуудал яригдаж байна. Та эрх баригч хүчний даргын хувьд ямар байр суурьтай байна вэ?

-Бүх зүйл хуулийн дагуу явна. Өнөөдөр сонгууль хойшлогдох нөхцөл байдал үүсээгүй. Цагийн байдал өөрчлөгдөж, нөхцөл байдал өөрөөр үүсвэл энэ тухай асуудал ярина. Өнөөдрийн тухайд УИХ-ын сонгууль хойшлох нөхцөжл харагдахгүй байгаа. Бид судалж байгаа. Цаашдаа хэрхэхийг УИХ шийднэ.

-Үндсэн хуульд нэмэлт өөрчлөлт оруулсантай холбоотой Засгийн газар огцрох уу?

-Засгийн газар огцрохгүй.  Үндсэн хуульд нэмэлт өөрчлөлт орсонтой холбоотой бусад асуудлыг хуулийн дагуу шийдвэрлэнэ. 

-Засгийн газраас дотоодын үйлдвэрлэлээ хөгжүүлэх, импортын үйлдвэрлэлийг нэмэгдүүлэх талаар ямар бодлого байна вэ?

-Коронавирустэй холбоотой он гараад мах, гурил хангамжтай байгаа. Бид гурван сарын өмнөөс эхлээд гадаад улс орнуудаас авдаг байсан элсэн чихэр, будааны нөөц бүрдүүлэх чиглэлээр он гарсаар ажилласан. Мах, гурилын хомсдол гарахгүй. Цаашдаа бид хүнсний бүтээгдэхүүний нөөцөө бэлтгэх тал дээр ажиллаж байгаа. 

Сангийн сайд Ч.Хүрэлбаатар: 

-Өнөөдрийн байдлаар бид 720 сая ам.долларын санхүүжилтийн эх үүсвэрийг баталгаажуулсан. Үлсдэн 580-аад сая ам.долларын санхүүжилтийг хийнэ. Дэд бүтэц зэрэг ажлууддаа зориулагдана. Ирэх жил 2.9 тэрбум ам.доллартай тэнцэхүйц хэмжээний өрийн төлж эхэлнэ. 

Ерөнхий сайд У.Хүрэлсүх:

-Гадаадад байгаа иргэдээ татах талаар цаашдаа ямар арга хэмжээ авах вэ?

-Монгол Улсын Засгийн газар гадаад орноос ард иргэдээ үе шаттай татна. Монгол хүн эх орноо зорих хэрэгтэй. Энэ бол Үндсэн хуулийн хэмжээнд хэрэгжиж байгаа ажил. Зарим орнууд хилээ хаасан учир татаж болохгүй байна. Харийн нутагт байгаа монгол иргэдээ элдвээр хэлж болохгүй. Энэ бол монгол мөс. Гадаад байгаа та бүхнийг эх орны чинь тэнгэр, эжий аав, нутаг ус чинь тэтгэн харж байгаа. Хүний нутагт ажиллаж, амьдарч байгаа иргэдэдээ сэтгэл гаргаж байх ёстой. 

-Ээлжит сонгуулиар ЖДҮ, "60 тэрбум"-д холбогдсон иргэдээ нэр дэвшүүлэхгүй гэж байсан. Энэ байр суурь хэвээрээ юу?

-Энэ жилийн улс төрийн сонгуулийг эрүүл саруул явуулахыг зорьж байгаа. Би намдаа нэр дэвшүүлэх гэж мөнгө авахгүй. Болохгүй бүтэхгүй байгаа хүмүүст эхнээс нь хариуцлага тооцсон. Ардын нам аль нэг компаниас мөнгө гуйхгүй. би гурван шалгуур барьж нэр дэвшүүлнэ. Нэгдүгээрт ёс суртахуун, 

Н.Энх