Монгол Улсын Ерөнхий сайд У.Хүрэлсүх олон нийтэд хандан цаг үеийн асуудлаар мэдээлэл хийж байна. Засгийн газрын өнөөдрийн хуралдаанаар эдийн засгийг дэмжих, иргэдийн амьжиргаанд дэмжлэг үзүүлэх хөтөлбөрийг хэрэгжүүлэх талаар  хэлэлцэн шийдвэрлэсэн байна.  

Ерөнхий сайд У.Хүрэлсүх:

-Коронавирусийн цар тахлын үед эдийн засгийн талаар авч хэрэгжүүлэх тогтоолыг УИХ баталсан. Засгийн газрын хуралдаанаар энэ асуудлыг хэлэлцэж, хэд хэдэн асуудалд шийдвэр гаргалаа. Засгийн газраас коронавирусийн цар тахлын үед эдийн засгийн талаар авч хэрэгжүүүлэх, эмзэг бүлгийн иргэдэд авч хэрэгжүүлэх тогтоол гаргалаа. 

-00-18 нас хүртэл хүүхдэд дөрөвдүгээр сарын нэгнээс 10 дугаар сарын нэгэн хүртэл сар бүр 100 мянган төгрөг өгнө. Дөрөвдүгээр сарын үлдэгдэл 70 мянган төгрөгийг нөхөж олгоно. Ингээд 6 сарын хугацаанд хүүхэд бүрт 100 мянган төгрөг олгож байна. Ингээд 10 дугаар сарын нэгэн хүртэл 547 тэрбум төгрөгийг зарцуулна. 

-Нийгмийн дэмжлэг шаардлагатай 122 мянган насанд хүрсэн хүнд 16 мянга, 118 мянган хүүхдэд 8000 төгрөг олгодог байсныг хоёр дахин нэмэгдүүлж байна. Насанд хүрсэн иргэдэд сар бүр 32 мянган төгрөг, хүүхдэд 8000 мянган төгрөг олгохоор боллоо. Энэ нь тавдугаар сарын нэгнээс 10 дугаар сарын нэгэн хүртэл. 

-Халамжийн сангаас тэтгэвэр авдаг 306 хүн сардаа 188 мянган төгрөг авдаг. Үүн дээр 100 мянган төгрөг авдаг.  Мөн хөгжлийн бэрхшээлтэй иргэн, одой иргэн, өнчин хүүхэд, өрх толгойлсон эцэг, эхэд тус бүр  100 мянган төгрөгөөр нэмэгдүүлж байна.  

-Малчин өрхүүдийн ноолуур худалдахад килограмм тутамд 20 мянган төгрөг олгоно.

Засгийн газраас авч хэрэгжүүлж байгаа эдийн засгийн хөтөлбөрийн хүрээнд дээрх арга хэмжээг авч хэрэгжүүлж байгааг илтгэе хэмээн мэдээлээд сэтгүүлчдийн асуултад хариулав. 

Ч.Хүрэлбаатар: ОУВС-гийн хөтөлбөрийг амжилттай хэрэгжсэн гэж дүгнэж байгаа

-Эх үүсвэрийг хаанаас гаргах вэ?

Сангийн сайд Ч.Хүрэлбаатар: 

-Цар тахлын үеийн хуулиар ямар нэг арга хэмжээ авахад эх үүсвэрийг нь давхар батлах заалттай. Энэ дагуу хэрэгжүүлсэн. Энэ зун Монгол Улсад Азийн залуучуудын наадам, Токиогийн зуны олимп, ерөнхий боловсролын сургууль, цэцэрлэгийн үйл ажиллагааны урсгал зардал, зарим тусгай сангуудын зардлыг бид хэмнэж байгаа. Энэ хэмнэлтээсээ зарцуулж байна. 

Мөн хөрөнгө оруулалтын зардлуудын, урсгал зардлуудын, цар тахлын үеийн зардлуудаас гаргаж байгаа. 

-Нийт хэдэн төгрөгийг зарцуулж байна вэ?

-Ерөнхий сайдын хэлсэн дээрх дөрвөн арга хэмжээнүүдэд 793 тэрбум төгрөг. Хүүхдийн мөнгө, хүнсний талоныг хоёр дахин нэмэгдүүлсэн зардал нийлээд 593 тэрбум,  ноолуур урамшуулалд 200 тэрбум төгрөг зарцуулна. 

-Төсвийн орлого хэдэн хувиар буураад байна вэ?

-ҮСХ-ноос эхний улирлын зарлагын мэдээлэл гарсан. Нэгдсэн төсвийн орлого 8 хувиар буурсан. Засгийн газраар батлагдсан тогтоолын эхний хэсэг эдийн засгийг дэмжсэн. экспортыг нэмэгдүүлэх арга хэмжээний гэрээ хэлэлцээ хийсэн. Хоёрдугаарт энэ жил алдагдсан боломжуудыг нөхөх талаар тусгасан. 

-Эрдслийг хэр тооцсон бэ? Сонгуулийн дараа амьдрал үргэлжилнэ.

-Сонгууль болдгоороо болно. Амьдрал үргэлжилнэ. Засгийн газар гэрээ хэлэлцээ зохион байгуулаад явж байгаа. Саяын хийгдсэ арга хэмжээ төсвийн алдагдлыг нэмэгдүүлэхгүйгээр тэнцүүлээд явна.

Өрийн асуудлаар санал санаачлага гаргаж, хүүгийн төлбөрийг хойшлуулахаар ярьж байна. ОУВС, Засгийн газар хооронд хэрэгжүүлж байгаа хөтөлбөр тавдугаар сарын 24-нд дуусгаар болно. Бид хөтөлбөрийг амжилттай хэрэгжсэн гэж дүгнэж байгаа. Гэрээ хэлэлцээрийг хийгээд явж байгаа.

-Монгол Улсыг хар жагсаалтад оруулна гэсэн мэдээлэл байна. Энэ талаар...?

-Монгол Улс саарал жагсаалтад орчихсон байгаа. Европын холбоо жагсаалт гаргах тухай асуудал яригдаж байгаа юм билээ. Бидэнд одоохондоо албан ёсоор мэдээлэл ирээгүй.

У.Хүрэлсүх: Сонгууль болоход нэг сарын хугацаанд Засгийн газраа солиод яах вэ?

-Төрийн албан хаагчид хууль бус үйлдэл гаргаж байгааг мэдээлсний төлөө хэвлэлийн байгууллага, сэтгүүлчид рүү халдаж байгаад ямар хариуцлага тооцох вэ?

Ерөнхий сайд У.Хүрэлсүх:

-Бид хууль зөрчсөн тохиолдолд хариуцлага хүлээлгэж байна. Та бүхний тавьсан шаардлагыг хүлээж авсан. Энэ дагуу холбогдох шалгалтууд бэлтгэж байна.Сэтгүүлчдийн эрхийг зөрчиж болохгүй. Нөгөө талаас сэтгүүлч та хариуцлагатай байх ёстой. Сэтгүүлч нар минь ёс зүйтэй байгаарай. Дүрэм зөрчсөн, доромжилсон асуудал гарвал хаана хаана хариуцлага хүлээнэ.

Засгийн газрын шийдвэрүүд хүн болгонд таалагдахгүй байж магадгүй. Хүн болгонд таалагдах албагүй. Нийтийн эрх ашгийн төлөө шийдвэр гаргана. Тийм учраас би албан тушаалтнуудад шийдвэр гаргаж байгаа асуудлаа бод. Аюулгүй байдлаа сайн хангах ёстой. Хүний эрүүл мэнд, эдийн засгийн асуудлыг бодож байна. 

-Үндсэн хуулийн өөрчлөлт тавдугаар сарын 25-наас хэрэгжинэ. Засгийн газрын бүрэлдэхүүнд өөрчлөлт орох уу?

-Сонгууль дөхсөнтэй холбоотой зарим асуудлыг улстөржүүлж байна. Энэ талаар Үндсэн хуулийг батлалцсан хүмүүс тайлбар өгсөн. Сонгууль болоход нэг сарын өмнө Засгийн газраа солиод яах ч юм билээ, амьдрал дээр бодсон ч гэсэн. УИХ энэ талаар шийдвэр гаргаж, Засгийн газар дагаж мөрдөнө.

Н.Энхлэн