Эдийн засгийн байнгын хорооны хуралдаанаар Монгол Улсыг 2021-2025 онд хөгжүүлэх таван жилийн үндсэн чиглэл батлах тухай" УИХ-ын тогтоолын төслийг хэлэлцэх эсэхийг шийдэж байна. Хэлэлцэж байгаа асуудалтай холбогдуулан гишүүд асуулт тавьж, хариулт авч  байгаа юм. Гишүүн М.Оюунчимэг оронсууцжуулах төсөлд инженерийн шугам сүлжээ, эрчим хүч, дэд бүтцийг хэрхэн шийдэж байгаа талаар тодрууллаа. Үүнд БХБ-ын сайд Б.Мөнхбаатар: 

-Дэд бүтэц нь бага байдаг учраас Улаанбаатрын газрын үнэ өсдөг асуудлыг зохицуулна. Ипотекийн зээлээс гадна түрээсийн орон сууцыг цаашид хэрэгжүүлнэ. Иргэд түрээсэлж байгаад байраа өмчлөх зорилготой "Солонго 1, 2" хороолол, "Ногоон нуур" төслийг хэрэгжүүлж байна. Хамгийн гол нь дэд бүтэц, эрчим хүчний асуудлыг шийдэхэд анхаарч ажиллаж байна гэлээ. 

Ирэх таван жилийн төлөвлөгөөнд эрчим хүчний асуудлыг шийдвэрлэхийн тулд ДЦС барих талаар тусгахыг гишүүд онцолж байлаа. 

Н.Нягт