Боловсрол, соёл, шинжлэх ухаан, спортын байнгын хорооны хуралдаан эхэллээ. Хуралдаанаар Кино урлагийг дэмжих тухай хуулийн төслийг хэлэлцэх эсэхийг шийдэж байна. Соёлын сайд Л.Халтар хуулийн төслийг танилцуулж байна. 

Кино урлагаар дамжуулан ёс заншил, өв соёлоо сурталчилахад чухал үүрэгтэй.  Кино урлагийн дэд бүтцийг ачаалал үүсгэхгүйгээр бий болгох, үндэсний заншлаа киногоор дэлхийд танилцуулахад хуулийн төсөл чиглэж байгаа аж. Хэлэлцэж байгаа асуудалтай холбогдуулан гишүүд асуулт тавьж, хариулт авч байна. 

УИХ-ын гишүүн П.Анужин:

-Цирк, кино үйлдвэрийг_ хувьчилсан байдаг. Уул уурхайд хайгуул хийхэд буцааж авна гэдэг. Цирк, кино урлагийн салбарыг менежментийн хувьчлалаар авсан хүмүүстэй эргэж ярьдаг. 

Соёлын сайд Л.Халтар: 

-Кино урлаг бүхэлдээ хувь хүний мэдэлд очсон газар. Бид эхнээс нь хувьчлалтай танилцаж байна. Зарим гишүүд цирк дээр очиж байдлыг харсан. Ажлын хэсэг ажиллаж байгаа. Тухайлбал, циркийн үйл ажиллагааг хэвийн явуулахыг шаардаж байгаа. 

Байнгын хорооны хуралдаан үргэлжилж байна.

Н.Нягт