Төр хувийн хэвшлийн түншлэлийн хүрээнд хэрэгжүүлж буй сургуулийн удирдлагын систем, сургалтын цахим платформ хөгжүүлэх ажлын талаар мэдээлэл хийлээ.

Боловсрол шинжлэх ухааны дэд сайд Г.Ганбаяр:

-Сошиалд 12 сургуулийг хаах талаар мэдээлэл гарсан байна лээ. Бүх их дээд сургуулиудын үйл ажиллагааг шалгаж байгаа.  Шалгаж байгаа болгоныг хаана, тусгай зөвшөөрлийг нь цуцална гэсэн ойлголт байхгүй. Бүх сургуулиудад шаардлага тавина. Шаардлага хангахгүй байгаа багшгүй, оюутангүй болсон сургуулиудыг хаана. Элсэгчгүй, багшгүй сургуулиудыг хаана. Цаашид их дээд сургуулиудыг цэгцэлнэ.

Өнгөрсөн 10 жилийн хугацаанд Багануур дүүрэгт оюутны хотхон байгуулах талаар ярьсан. Зөвхөн дэд бүтцийн хувьд оюутны хотхон байгуулахад 2013 онд 11 их наяд төгрөгийн санхүүжилт шаардлагатай болсон. Шинэ Засгийн газрын тооцооллоор Багануур дүүрэгт боломжгүй гэж үзсэн. Их дээд сургуулиудыг баруун аймгуудад Ховд их сургуулийг түшиглэж, зүүн аймгуудад Дорнод их сургуулийг түшиглэж нүүлгэнэ. ХААИС-ийг  Дархан-уул аймаг руу нүүлгэнэ. Ирэх жил тодорхой сургуулиудыг нүүлгэнэ. ХААИС-ийн дөрвөн хөтөлбөрийг Дархан-Уул аймаг руу шилжүүлсэн. Тус дөрвөн хөтөлбөрөөр өнгөрсөн хоёр жилийн хугацаанд нийслэлд элсэлт аваагүй. ШУТИС-ийг Эрдэнэтэд, Дорноговьд уул уурхай түшиглэсэн сургуулиуд, МУИС-ийг нийслэлд байлгах байр суурьтай байгаа.

М.Насан