Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.01.24/ хийлээ.

ХӨСҮТ-ийн Тандалт судалгааны албаны дарга А.Амбасэлмаа:

-ХӨСҮТ-ийн гурван лаборатори, ЗӨСҮТ-ийн лаборатори, Дархан-Уул, Сэлэнгэ аймгийн лабораторид нийт 12848 хүнд шинжилгээ хийлээ. Үүнээс 16 хүний шинжилгээнд коронавирус илэрлээ. Баянзүрх дүүргийн 2-р хорооны нийтийн байрнаас 9 тохиолдол бүртгэгдсэн. Уг батлагдсан тохиолдол нь өвчнийхөө нууц, халдвар тараах эрсдэлтэй  үедээ тухайн байранд очиж байсан. Тиймээс Баянзүрх дүүргийн 2-р хороонд голомтын тандалт илрүүлгийг хийж байгаа. Гэр хорооллын 400 гаруй өрхийн 1000 гаруй хүнд тандалт шинжилгээ эхлээд явж байгаа.

Бусад тохиолдол нь батлагдсан тохиолдлын гэр бүлийн хавьтал болсон  ажлын газрын хүмүүсээс илэрсэн. Улаанбаатар хотод батлагдсан тохиолдол 798 болсон.

Улсын хэмжээнд батлагдсан дотоодын халдвар 1124 байгаа. Сүүлийн 24 цагт 24 хүн эдгэрч, эмнэлгээс гарлаа.  Манай улсын нийт батлагдсан тохиолдол 1627 байна. Үүнээс эдгэрсэн тохиолдол 1149 байгаа. Өнөөдрийн байдлаар 465 хүн эмчилгээнд байгаа. Биеийн байдлыг үнэлбэл, 415 хүн хөнгөн, хүндэвтэр 43, хүнд 6, маш хүнд 1 хүн байгаа

Үүнээс ХӨСҮТ-д 138 хүн хөнгөн, хүндэвтэр 20, хүнд 1, маш хүнд 1 хүн байгаа. Цэргийн төв эмнэлэгт 94 хүн хөнгөн, хүндэвтэр 20, хүнд 1 байгаа. Хан-Уул дүүргийн 300 ортой эмнэлэгт 183 ажиглалтад байна. Мөн УНТЭ-т 7  хүн эмчлэгдэж байгаа.