"Оюунтолгой"-н асуудлаар УИХ Засгийн газар ажлын хэсэг байгуулахыг хүслээ

10:10 цаг: 

УИХ-ын чуулганы нэгдсэн хуралдаан эхэллээ. Хуралдааны эхэнд УИХ-ын гишүүн Ш.Адьшаагийн хүсэлтийн дагуу байр суурийг нь сонслоо. УИХ-ын гишүүн Ш.Адьшаа:

-УИХ-ын гишүүн С.Ганбаатар "Оюутолгой"-н асуудлаар тэмцэл өрнүүлээд байгаа. Би гишүүн С.Ганбаатартай гурван удаа уулзсан. Өнөөдөр УИХ Засгийн газартай хамтарч нэн яаралтай ажлын хэсэг гаргаж, асуудалд цэг тавих шаардлагатай байна. Мөн УИХ-ын дэгийн тухай хуульд өөрчлөлт оруулах төслийг хэлэлцэх асуудлын эхэнд хэлэлцүүлж өгөх горимын санал гаргав гэлээ. 

Санал хураалтаар уг горимын саналыг гишүүдийн олонх дэмжсэнгүй.

УИХ-ын дарга Г.Занданшатар:

- Өнөөдөр асуудлаа шуурхай хэлэлцэж, Засгийн газраа бүрдүүлнэ гэдгийг онцоллоо. Ингээд Малчин, хувиараа хөдөлмөр эрхлэгчдийн Тэтгэврийн даатгалын шимтгэлийг нөхөн төлүүлэх тухай хуулийн төслийн эцсийн хэлэлцүүлгийг хийж байна.  

Н.Нягт